भैरहवा । जिल्ला प्रहरी कार्यालय रुपन्देहीले कर्तव्य ज्यान मुद्धाका फरार अभियुक्तलाई पक्राउ गरेको छ ।
रुपन्देही जिल्ला अदालतको मिति २०७६ साल पुस २३ गतेको फैसला बमोजिम कर्तव्य ज्यान मुद्धामा ४ बर्ष ११ महिना २ दिन कैद सजाय भई हाल सम्म फरार रहेका तिलोत्तमा नगरपालिका वडा नं. १७ बस्ने मान बहादुर थारुलाई प्रहरीले बुधबार पक्राउ गरेको हो ।
जिल्ला प्रहरी कार्यालयबाट खटिएको प्रहरी टोलीले फरार थारुलाई ५ बर्ष पछि पक्राउ गरी रुपन्देही जिल्ला अदालतमा पेश गरेकोमा अदालतको आदेश अनुसार कैद सजाय भुक्तानको लागि जिल्ला कारागार कार्यालय रुपन्देहीमा चलान गरेको छ ।
