तिलोत्तमा । श्री बहुउद्देश्यीय सहकारी संस्था लिमिटेड तिलोत्तमा ५ मणिग्राम रुपन्देहीको ३६ औं वार्षिक साधारण सभा तथा १४ औं अबिधेशनले होमप्रसाद पौडेलको संस्थाको नयाँ नेतृत्व सवसम्मत चयन गरेको छ ।
अबिधेशनबाट संस्थाको उपाध्यक्षमा घनश्याम भुसाल तथा संचालक समिति सदस्यमा बिजेश न्यौपाने, रमेश बस्याल, रुक्माँगत पाण्डे, रत्ना न्यौपाने रिजाल, अजय राना, चिरन्जिवी बश्याल र बन्दना बस्नेत निर्विरोध निर्वाचित भएको निर्वाचन समितिका संयोजक दधिराम खरेलले घोषणा गर्नुभयो ।
अधिबेशनवाट ऋण लगानी तथा धितो मूल्याँकन उप समितिमा निरन्जन धिताल र राजकुमार श्रेष्ठ तथा शिक्षा उप समितिमा ईश्वर बहाद्र कार्की, मिन बहाद्र अधिकारी, माया भण्डारी, र कुष्माखर रेग्मी सर्वसम्मत चयन हुनुभएको छ । सहकारीको विधान अनुसार दुबै उपसमितिको संयोजक कार्यसमितिको सदस्यबाट चयन हुने ब्यवस्था रहेको छ ।
सहकारीका जेष्ठ सदस्य के पी गौतमको प्रमुख आतिथ्यतामा भएको साधारण सभामा जेष्ठ सदस्य भगवती डुम्रे, नारायण प्रसाद गौतम र श्यामसुन्दर तिवारी तथा सहकारीमा धेरै शेयर सदस्य बनाउने बलराम भट्टराई र रत्ना न्यौपाने रिजाल लाई देसल्ला र प्रमाण पत्रद्वारा सम्मान गरिएको थियो ।
साधारण सभामा सहकारीका अध्यक्ष गणेश पाठकले सहकारीका शेयर सदस्यहरुलाई १४ प्रतिसत नगद वोनस वितरण गरिएको र धितो र वचतको आधारमा ऋण प्रवाहको सिमा प्रति सदस्य २० लाख रहेकोमा सोलाई श्ंसोधन गरी अधिकतम ४० लाख कायम गरिएको जानकारी गराउनु भयो । सहकारीले महिला शेयर सदस्य स्त्केरी हंदा एक पटकका लागि सम्मान सहित ३ हजार प्रदान गर्ने, नवजात शिसुको अनिवार्य बचत खाता खोल्नुपर्ने, सबै शेयर सदस्यहरुको एक लाख बराबरको दुर्घटना विमा, शेयर सदस्यको सामान्य मृत्युमा २५ हजार बराबरको राहत रकम प्रदान गर्ने कार्यलाई निरन्तरता दिइएको अध्यक्ष पाठकले जानकारी गराउनुभयो ।
कार्यक्रममा सहकारीका सल्लाहकार ईन्दिरा तामाङ, फोरस्टार सहकारी संस्थाका अध्यक्ष रामलाल तिवारी, शेयर सदस्य कपिलमणि पाठक, सहकारीका उपाध्यक्ष होमप्रसाद पौडेल, सदस्य विजेश न्यौपाने, निर्वाचन समितिका सदस्य किसोर सुवेदी, लेखा समिति संयोजक चिरन्जिवी बश्याल लगायतले बोल्दै सहकारी संस्थाका शेयर सदस्यहरु जागरुक र जिम्मेवार भएमा मात्र सहकारी सवल र सक्षम हुने धारणा राख्नुभयो । सहकारी संस्थामा ६०१ जना शेयर सदस्यहरु रहेका छन् भने आर्थिक वर्ष २०८१÷८२ का लागि २ करोड ३१ लख १० हजार वजेट प्रस्ताव गरिएको छ ।
