दाङ । दाङमा जबरजस्ती करणीको मुद्दामा पक्राउ परेका सशस्त्र प्रहरी जवान रेवन पचभैया मगरले वडा प्रहरी कार्यालय घोराहीमा आत्महत्या गरेका छन् । प्रहरी जवान मगरलाई भालुवाङमा केही दिन पहिले बालिकामाथि करणी आरोपमा प्रहरीले पक्राउ गरेको थियो ।
गन्जी र टिसर्टको पासो लगाएर शौचालयमा मगर झुन्डिएको अवस्थामा आज बिहान फेला परेको जल्ला प्रहरी कार्यालय दाङका प्रहरी उपरीक्षक (एसपी) अर्जुन तिम्सेनाले बताउनुभयो । गत असोज २४ गते दाङको भालुवाङमा बालिका बलात्कार आरोप लागेका सशस्त्र प्रहरीका सहायक हवल्दार भरत रोकामगर र सशस्त्र प्रहरी जवान पचभैयालाई सशस्त्र प्रहरीले नेपाल प्रहरीलाई बुझाएको थियो । दसैँको बेलामा पिङ खेल्न गएका नाबालिकालाई बलात्कार गरेको प्रहरीसँगको बयानमा उनीहरुले स्वीकार गरिसकेका थिए ।
प्युठान बडडाँडा घर भएका शसस्त्र प्रहरी जवान मगर दाङको भालुवाङ स्थित सशस्त्र प्रहरी गणमा कार्यरत रहेका थिए ।
