रुपन्देही प्रहरीद्वारा ट्रकसहित ६० लाख बढिको अबैध लत्ता कपडा बरामद

बुटवल । इलाका प्रहरी कार्यालय बुटवल, इलाका प्रहरी कार्यालय रन्यौरा र प्रहरी चौकी बेलभरियाबाट खटिएको संयुक्त प्रहरी टोलीले भन्सार छली गरी ल्याएका ५० लाख बढिका अबैध कपडा र ट्रक नियन्त्रणमा लिएको छ ।
सोमबार बिहान करिव ११ बजेको समयमा खटिएको संयुक्त प्रहरी टोलीले बुटवल उपमहानगरपालिका–१५ उजेलापुरबाट लु १ ख ८३४० नं.को ट्रकमा अवैध रुपमा भन्सार छली गरी ल्याउंदै गरेको अवस्थामा अबैध लत्ता–कपडा सहित ट्रक लाई नियन्त्रणमा लिएको हो ।
विशेष सूचनाका आधारमा खटिएको प्रहरी टोलीले उक्त ट्रकलाई नियन्त्रणमा लिई चेकजाँच गर्दा अबैध भन्सार छली गरी ल्याएका अन्दाजी मूल्य रु. ५० लाख ४२ हजार ४५० बराबरको लत्ताकपडा र अन्दाजी १२ लाख बराबरको ट्रक गरी ६२ लाख ४२ हजार ४५० बराबरको सामान बरामद गरी ट्रक र कपडाहरु आवश्यक कारवाहीको लागि भैरहवा भन्सार कार्यालयमा पठाईएको जिल्ला प्रहरी कार्यालय रुपन्देहीले जनाएको छ ।
प्रहरीका अनुसार उक्त ट्रक बाट लेडिज उलन सुट २८५७ वटा, उलन सुटको रोल कपडा ६९० रोल, कटन सुट ९८६ वटा, अमुल सेण्डो ९६० वटा, जेन्स सट २४० वटा, जेन्स कुर्ति २३० वटा, रोल काचो कपडा १४७ वटा, टप्स २५ वटा, जेन्स सुईटर १७४ वटा र जेन्स सट पाईन्ट कपडा १२० वटा बरामद भएको छ ।
यस्तै जेन्स हुडी ५२ वटा, जेन्स सुरुवाल ६६ वटा, जेन्स सुरुवाल ६६ वटा, जेन्स ट्रयाक सुरुवाल ४८ वटा, बच्चा जामा ११३ वटा र बच्चा सट १२० वटा बरामद भएको छ ।