बुटवल । नेपालीहरूको महान चाडपर्व नजिकिएसँगै बुटवल उपमहानगरपालिकाले बजार अनुगमनलाई तिब्रता दिएको छ ।
बुटवल उपमहानगरपालिकाकी उपप्रमुख सावित्रादेवी अर्यालको नेतृत्वमा खाद्य प्रविधि तथा गुण नियन्त्रण कार्यालय, नापतौल तथा गुणस्तर कार्यालय, उद्योगी ब्यवसायीका प्रतिनिधि र पत्रकारको संयुक्त टोलीले आज (आइतबार) बुटवलका खाद्यान्न पसलहरूको अनुगमन गरेको हो ।
बुटवलवासीले स्वच्छ र गुणस्तरीय खाद्य वस्तु उपभोग गर्न पाउन भन्ने उदेश्यले बजार अनुगमन लाई तिब्रता दिएको बुटवल उपमहानगरपालिकाकी उपप्रमुख सावित्रादेवी अर्यालले बताउनुभयो ।
अनुगमनका क्रममा केही खाद्यान्न पसलमा म्याद गुज्रेका र खान अयोग्य खाद्यवस्तु फेला परेको र ती खाद्यवस्तु नष्ट गरिएको बुटवल उपमहानगरपालिका अनुगमन शाखा प्रमुख ठगिश्वर पोखरेलले जानकारी दिनुभयो । उहांका अनुसार केही खाद्यान्न पसलमा ढक तराजुको नविकरण नगर्नुका साथै कागजपत्र दुरूस्त नभएको पाइएकोले त्यस्ता पसललाई सचेत गराइएको छ । बिगतको तुलनामा बजार थप ब्यवस्थित भएको पाइएको अनुगमन शाखा प्रमुख पोखरेलको भनाइ छ ।
