भन्सार छलीको अबैध सामान रुपन्देही प्रहरीको नियन्त्रणमा

जिल्ला प्रहरी कार्यालय रुपन्देहीले करिव ३ लाख बराबरको अबैध सामान बरामद गरेको छ । जिल्ला प्रहरी कार्यालयबाट खटिएको प्रहरी टोलीले आज (आईतबार) सिद्धार्थनगर नगरपालिका वडा नं. १३ मा चेकजाँच गर्ने क्रममा भारतबाट नेपाल तर्फ अबैध रुपमा भन्सार छली चोरी निकासी÷ पैठारी गरेको अवस्थामा अन्दाजी २ लाख ८९ हजार ५०० रुपैयाँ बरावरको अबैध सामान बरामद गरेको हो ।
चेकजाँचको क्रममा लेडिज ठुलो कुर्ता सुरुवाल ८० वटा, बच्चाको कुर्ता सुरवाल ६० वटा, साडी १८ वटा, जेन्स कुर्ता ४५ वटा र बच्चाको आस्कोट सेट २४ वटा बरामद भएको प्रहरीले जनाएको छ ।
बरामद गरिएको सामान आवश्यक कारवाहीको लागि भैरहवा भन्सार कार्यालय बेलहियामा बुझाईएको रुपन्देही प्रहरीले जनाएको छ ।