पेट्रोल, डिजल र मट्टीतेलको मूल्य घट्यो

काठमाडौं । नेपाल आयल निगमले इन्धनको मूल्य घटाएको छ । आइतबार बसेको निगमको संचालक समितिको बैठकले पेट्रोलमा प्रतिलिटर ४ र डिजल तथा मट्टीतेलमा प्रतिलिटर ५ रुपैयाँ घटाउने निर्णय गरेको हो ।
घटेको मूल्य गयराति १ बजेदेखि लागु भएको निगमले जनाएको छ । नयाँ मूल्य अनुसार अब काठमाडौँमा पेट्रोलको प्रति लिटर १५९ र डिजल तथा मट्टितेलको प्रति लिटर १४९ रुपैयाँ पर्ने भएको छ । निगमका अनुसार खाना पकाउने एलपिजी ग्यासको मूल्य भने यथावत राखिएको छ ।