सुर्खेतबाट बुटवल आउँदै गरेको बस कपिलवस्तुमा दुर्घटना, १३ जना घाइते

बुटवल । सुर्खेतदेखि बुटवल आउदै गरेको बस कपिलवस्तुमा दुर्घटना हुँदा १३ जना घाइते भएका छन् ।

कपिलवस्तुको शिवराज नगरपालिका वडा नम्बर १ बनकसबासामा सुर्खेतबाट बुटवल तर्फ हिडेको लु २ ख १५९८ नम्बरको बस पल्टिँदा १३ जना घाइते भएको प्रहरीले जानकारी दिएको छ ।

दुर्घटनामा परी घाईते भएका ३ जनाको अवस्था गम्भीर रहेको जनाइएको छ । मोटरसाइकललाई बचाउने क्रममा सो बस एक मिटर तल पल्टिएको हो । १० जनाको चन्द्रौटा आधारभूत र ३ जनाको संजीवनी अस्पतालमा उपचार भइरहेको छ । दुर्घटना लगत्तै सुरक्षाकर्मी घटना स्थल पुगेर घाईतेको उद्धार गरी अस्पताल पठाएका हुन ।