भन्सार छलीको चिनी र मटर प्रहरी नियन्त्रणमा

भैरहवा । जिल्ला प्रहरी कार्यालय रुपन्देहीले भारतबाट भन्सार छली ल्याएको पाँच लाख बढिको चिनी र मटर बरामद गरेको छ ।

जिल्ला प्रहरी कार्यालय, भैरहवा भन्सार कार्यालय बेलहिया र राष्ट्रिय अनुसन्धान जिल्ला कार्यालय भैरहवाको संयुक्त टोलीले आज सिद्धार्थनगर नगरपालिका वडा नं. ४ बुद्ध कोलनी बाट अबैध रुपमा भन्सार छली चोरी निकासी÷पैठारी गरी लुकाई छिपाई राखेको अवस्थामा अन्दाजी मूल्य रु.५ लाख ७६ हजार बरावरको चिनी र मटर बरामद गरेको हो ।

प्रहरीले ७५ बोरा(३७५० के.जी) चिनी र ९२ बोरा (२७६० केजी) मटर आवश्यक कारवाहीको लागि भैरहवा भन्सार कार्यालय बेलहिया पठाएको छ ।