बुटवल । लुम्बिनी प्रदेशको मुख्यमन्त्रीमा नेकपा एमालेबाट चेतनारायण आचार्य हुनुहुने भएको छ । एमाले लुम्बिनी संसदीय दलका नेता लीला गिरी भए पनि केन्द्रको निर्देशन अनुसार आचार्य मुख्यमन्त्री बन्नु हुने भएको हो । केन्द्रको निर्देशन अनुसार दलका नेता गिरीलाई नबनाएर उपनेता आचार्यलाई बनाउन लागिएको हो । आचार्य महासचिव शंकर पोखरेल पक्ष र गिरी उपाध्यक्ष विष्णु पौडेल पक्षका मानिन्छन् । तर गिरीले खुलेर कुनै पक्षधरता देखाउनु हुदैन ।
एमाले सचेतक तुल्सीप्रसाद चौधरीले पार्टी केन्द्रले मुख्यमन्त्रीमा आचार्यलाई बनाउने निर्णय गरेको जानकारी गराउनु भयो ।नेपाली कांग्रेस र एमालेले आज प्रदेश प्रमुखसमक्ष मुख्यमन्त्री नियुक्तिका लागि दाबी पेस गर्दैछन् । प्रदेश प्रमुखले आज साँझ ६ बजेसम्म दाबी पेस गर्न समय दिनुभएको छ । आचार्य यसअघि लुम्बिनी प्रदेशको आर्थिक मामिला तथा योजना मन्त्री हुनुहुन्थ्यो ।
