प्रहरीले चोरी भएका २४ वटा मोबाईल फेलापारी सम्वन्धित ब्यक्तिलाई बुझायो

भैरहवा । जिल्ला प्रहरी कार्यालय रुपन्देहीले विभिन्न मितिमा हराएका र चोरी भएका मोवाईल फेला पारी सम्वन्धित ब्यक्तिलाई बुझाएको छ । मोवाईल हराएका र चोरी भएका ब्यक्तिहरुले जिल्ला प्रहरी कार्यालयमा दिएको निवेदन अनुसार प्रहरी त्यस्ता मोवाईल खोजतलास गरी फेला पारेर सम्वन्धित ब्यक्तिलाई बुझाएको हो ।
प्रहरीले मोवाइलहरुको खोजतलास एबम् अनुसन्धान गर्दै जाने क्रममा विभिन्न कम्पनीका हराएका २४ वटा मोवाइल फेला पारी सम्वन्धित मोबाइल धनीहरुलाई बुझाएको जनाएको छ ।
प्रहरीले आईफोन मोबाइल २ वटा, भिभो मोबाइल ६ वटा, रियलमी मोबाइल ५ वटा, सामसुङ मोबाइल ५ वटा, रेडमी मोबाइल ३ वटा, ओप्पो मोवाइल २ वटा र इन्फिनिक्स मोबाइल १ वटा फेला पारी सम्वन्धित मोबाइल धनीलाई बुझाईएको जनाएको छ ।