काठमाडौ, ४ मंसिर । प्रधानमन्त्री केपी शर्मा ओलीले मन्त्रिपरिषद पुर्नगठन गर्नुभएको छ । प्रधानमन्त्री ओलीले ९ जनालाई नयाँ मन्त्रीमा नियुक्त गर्नुभएको छ भने छ जना मन्त्री दुई जना राज्य मन्त्रीलाई हटाउनु भएको छ ।
प्रधानमन्त्री ओलीले हृदयेश त्रिपाठी, घनश्याम भुसाल, लेखराज भट्ट, बसन्त नेम्वाङ, पार्वत गुरुङ, नवराज रावत, रामविर मानन्धर, रामेश्वर राय यादव र मोतिलाल दुगडलाई मन्त्री बनाउनु भएको छ ।
प्रधानमन्त्रीको सचिवालयका अनुसार प्रधानमन्त्रीले आज सांझ नयाँ मन्त्रीहरुको नाम राष्ट्रपति कार्यालय सितल निवास पठाउनु भएको हो । मन्त्री मण्डल पुनर्गठन संगै केही मन्त्रीको जिम्मेवारी हेरफेर गरिएको छ । स्वास्थ्यमन्त्री उपेन्द्र यादवलाई कानुन मन्त्री बनाइएको छ भने कानुन मन्त्री भानुभक्त ढकाललाई स्वास्थ्य मन्त्रीको जिम्मेवारी दिईएको छ ।
मन्त्रीमण्डल पुनरगठनसंगै मन्त्री लाल बाबू पण्डित, गोकर्ण बिष्ट, रघुबिर महासेठ, चक्रपाणी खनाल, मात्रिका यादव, थममाया थापा तथा राज्यमन्त्रीहरु धन बहादुर बुढा र राम कुमारी चौधरी सरकारबाट बाहिरिनु भएको छ । नवनियुक्त मन्त्रीहरुको सपथ भोली बिहिबार विहान ११ वजेलाई तोकिएको छ ।
