बुटवल, ८ भदौ । थोर्गा रुपन्देही सम्पर्क समाजमा नयाँ नेतृत्व चयन भएको छ । समाजको चौथो साधारणसभा तथा दोश्रो अबिधेशनले आगामी २ बर्षका लागि मिनप्रसाद पोखरेलको अध्यक्षतामा १७ सदस्यिय नयाँ कार्यसमिति चयन गरेको हो ।
समाजको उपाध्यक्षमा कमलप्रसाद गौतम,सचिबमा रामचन्द्र ज्ञवाली सहसचिबमा कृष्ण ज्ञवाली र कोषाध्यक्षमा बसन्त श्रेष्ठ चयन हुनुभएको छ । यस्तै सदस्यहरुमा ओम ज्ञवाली, कपिल ज्ञवाली, दिनेश ज्ञवाली, ठाकुरप्रसाद ज्ञवाली, कोसु सनानी मगर, मुक्ति ज्ञवाली, तारा ज्ञवाली, अर्जुन पोखरेल, खगेशवर भण्डारी, रत्ना पौडेल ज्ञवाली, कमला गौतम, लक्ष्मण गौतम लगायत रहनुभएको छ ।
यसअघिको उद्घाटन सत्रमा बोल्दै प्रदेश ५ का सांसद कमलराज श्रेष्ठले समाजले गुल्मी थोर्गा र रुपन्देहीलाइ लेख र बेसीको रुपमा हेर्नुपर्ने बताउनुभयो । उहांले पहाड लेक र तराइ बेसी भएको भन्दै गांउँको बिकासमा हातेमालो गर्नुपर्ने बताउनुभयो । सो कार्यक्रम संस्थाका अध्यक्ष रामचन्द्र पोखरेलको अध्यक्षता तथा ओम ज्ञवालीको संचालनमा भएको थियो ।
उद्घाटन सत्रमा निर्बाचन अधिकृत ज्ञानप्रसाद ज्ञवाली, गोपाल ज्ञवाली लगायतले बोल्नुभएको थियो । समाजले हरेक बर्षजस्तै यसबर्षपनि तीज मिलन समेत गरेको छ । तीजको अबसरमा दिनभर तिलोत्तमाको बनबाटीकामा नाचगान गरेर रमाइलो गरिएको थियो ।
यस्तै रुरु च्युरेक दीदी बहिनी समाजको दोश्रो साधारणसभा भएको छ । संगै बुटवलमा तीजमीलन तथा दरखाने कार्यक्रम समेत गरेको छ । सुमित्रा ज्ञवालीको अध्यक्षतामा भएको कार्यक्रममा प्रमुख अतिथि बद्री पाण्डे, पत्रकार रामप्रसाद आचार्य, कपिल ज्ञवाली, साबित्रा ज्ञवाली, कविता ज्ञवाली, लक्ष्मी पौडेल लगायतले बोल्नुभएको थियो । गुल्मीको च्युरेकमा जन्मेर रुपन्देहीलाइ कर्मथलो बनाएका दीदीबहिनीहरु भेला भएर रमाइलो गरेका थिए ।
