पाल्पा । पाल्पाको तानसेन नगरपालिका–१४ देउरालीमा ईभी भ्यान दुर्घटना हुँदा १४ जना यात्रु घाइते भएका छन् ।
बुटवलबाट गुल्मी जादै गरेको बा.प्र.०१–०३१ च ७९५७ नम्बरको ईभी भ्यान तानसेन–तम्घास सडक खण्ड अन्तर्गत देउरालीमा आइतबार दिउँसो सडकबाट करिब ५० मिटर तल खसेर दुर्घटना भएको पाल्पा प्रहरीले जनाएको छ ।
प्रहरीका अनुसार दुर्घटनामा चालकसहित १६ जना सवार रहेका मध्ये २ महिला मध्यम घाइते भएको र घाइतेमध्ये ४ जनालाई थप उपचारका लागि पाल्पाको तानसेन पठाइएको प्रहरी चौकी अर्गलीले जनाएको छ ।
