मुख्यमन्त्री, सभामुख, बुटवल नगर प्रमुख र उपप्रमुखद्वारा शुभकामना ब्यक्त
बुटवल, २७ साउन । मुस्लिम धर्मावलम्बीको महान् पर्व बकर इद सोमबार देशभर मनाइँदैछ । इदुल फित्र अर्थात् रमजान पर्वको ७० औँ दिनमा बकर इद मनाउने धार्मिक विधि छ । यस दिन मुस्लिम धर्मावलम्बीहरु बिहानै स्नान गरी नजीकैको मस्जिद वा इदगाहमा गई सामूहिक नमाज पढ्ने गर्दछन् । नमाज पढिसकेपछि एकआपसमा अङ्कमाल गर्दै शुभकामना आदानप्रदान गरिन्छ ।
यस अवसरमा देशभरका मस्जिद र इदगाहमा मुस्लिम धर्मावलम्बीको भीड लाग्ने गर्दछ । मुस्लिम समुदायमा नमाज पाठसहितको ध्यान सकेपछि साथीभाइबीच शुभकामना साटासाट गरी घरमा गएपछि कुर्वान अर्थात बलि दिने विधान रहेको छ । बलि दिएको खसीको मासुलाई तीन भाग लगाई एक भाग परिवारले भोजन गर्ने, एक भाग पाहुनालाई दिने र एक भाग गरीब एवं दीन दुःखीलाई बाँड्ने मुस्लिम धार्मिक विधान छ । हिजरी संवत् अनुसार १४३५ वर्षपहिले अल्लाहको आदेशमा इब्राहिमले आफ्ना छोरा इस्माएल अलेह सलामलाई बलिदान गर्न तयार भएको सम्झनामा यो पर्व मनाउन थालिएको हो । बकर इद पर्वका अवसरमा प्रदेश नं ५ र २ सरकारले सोमबार सार्वजनिक बिदा घोषणा गरिसकेका छन् ।
यसैबिच प्रदेश ५ का मुख्यमन्त्री शंकर पोखरेल, सभामुख पुर्ण बहादुर घर्ती र बुटवल उपमहानगरपालिकाका प्रमुख शिबराज सुबेदी र उपप्रमुख गुमादेबी आचार्यले मुस्लिम समुदायको महान पर्व अजाह बकर इदको अवसरमा शुभकामना व्यक्त गर्नुभएको छ ।
शुभकामना सन्देश मार्फत मुख्यमन्त्री पोखरेलले सङघीय लोकतान्त्रिक गणतन्त्र नेपालको संबिधानले सबै जातजाति र समुदायको उत्थान र बिकासका लागि ढोका खोलेको बताउनुभएको छ । उहांले यस्ता पर्बले सामाजिक सद्धभाव, भातृत्व र मेलमिलापको बातावरण बनाएर मुलुकलाई एकताको मालामा बाध्न सहयोग पुग्ने उल्लेख गर्नुभएको छ ।
यस्तै सभामुख घर्ती तथा नगर प्रमुख सुबेदी र उपप्रमुख आचार्यले पनि अलग अलग शुभकामना सन्देश जारी गरी बकर इदले सांस्कृतिक महत्व र यसले दिने सन्देशलाई समाजमा प्रवाह गरि नेपाली समाजमा एकता, सद्धभाव र मेलमिलाप अझै बढाउन आवश्यक रहेको उल्लेख गर्नुभएको छ ।
मुख्यमन्त्री, सभामुख, नगर प्रमुख र उपप्रमुखले जारी गरेको शुभकामना सन्देश जस्ताको तस्तै :
