भैरहवा । जिल्ला प्रहरी कार्यालय रुपन्देहीले लागु औषधसहित एक जनालाई पक्राउ गरेको छ ।
सिद्धार्थनगर नगरपालिका वडा नं. १० मा अबैध लागु औषधको कारोवार भइरहेको छ भन्ने गोप्य सूचनाको आधारमा जिल्ला प्रहरी कार्यालय र लागु औषध नियन्त्रण ब्युरो शाखा भैरहवाबाट खटिएको संयुक्त प्रहरी टोलीले मायादेवी गाउँपालिका वडा नं.६ बेथरी बस्ने बर्ष २० को अभिषेक सोरहिया मल्लाहलाई पक्राउ गरेको हो ।
प्रहरीले निज मल्लाहको साथबाट खैरो हिरोइन जस्तो देखिने धुलो बस्तु ८ ग्राम तौल भएको लागु औषध बरामद गरेको छ ।
पक्राउ परेका मल्लाहलाई रुपन्देही जिल्ला अदालतबाट ७ दिनको म्याद थप भई आवश्यक अनुसन्धान कार्य जारी रहेको प्रहरीले जनाएको छ ।
