तिलोत्तमा । बुटवलका २६ वर्षीय युवा ब्यवसायी शान्तम थैवले पर्यटन उद्योग शुरु गरेका छन् । थाइल्यान्डबाट व्यवस्थापन विषयमा स्नाकोत्तर गरी नेपाल फर्किएका युवा शान्तमले ४० करोड लगानीको द क्राउन ईन होटलको नेतृत्व सम्हाल्दै पर्यटन उद्योगमा प्रवेश गरेका हुन् ।
‘नेपालमा केही हुँदैन, खत्तमै छ’–भन्नेहरुका लागि नयाँ उदाहरण पेश गर्ने लक्ष्यसहित अघि बढेको शान्तम बताउँछन् । रुपन्देहीकोे तिलोत्तमा नगरपालिका–२ जानकीनगरमा संचालनमा आएको ‘द क्राउन ईन होटल’ लाई अन्य होटलहरु भन्दा फरक शैलीमा सञ्चालन गरी सफल पर्यटन व्यवसायी बन्ने शान्तमको सोंच छ ।
ठूलो बिल्डिङ, करोडौं लगानी, सबै पुर्वाधार र सेवाका हिसावले ‘द क्राउन ईन’ पाँचतारे होटेल जस्तो देखिन्छ । धेरै मानिसको बुझाइ ठूलो होटल भनेपछि धेरै महंगो, बस्न, खान धेरै रकम चाहिन्छ भन्ने छ । तर तिलोत्तमाको जानकीनगरमा हालै सञ्चालनमा आएको द क्राउन इन होटलले ठूला होटेलले पनि उचित मूल्यमा सेवा दिएर उपभोक्ताको मन जित्न सक्छन् भन्ने विल्कुलै फरक उदाहरण पेश गर्दैछ । बुटवल–भैरहवा खण्डको तिलोत्तमा हाइवे जानकीनगरमा ४० करोड लगानीमा खुलेको पूर्णत बिजनेस होटेल ‘द क्राउन इन’ ले एकैपटक नाफा कमाउने नभई धेरै जनाबाट थोरै थोरै नाफा कमाएर धेरै बनाउने ‘ठेक हैन खेप’ को सिद्धान्त अंगालेर हस्पिटालिटी क्षेत्रमा बेग्लै पहिचान स्थापित गर्ने गरी आफ्नो यात्रा अघि बढाएको छ ।
२ कठ्ठा क्षेत्रफलमा बनेको ६ तले भवनमा सेमि स्वीट, डिलक्स र सुपर डिलक्स गरी तीन क्याटेगोरीका ४० रुम रहेका छन् । गएको माघदेखि सफ्ट ओपनिङ भई नयाँ वर्ष २०८१ बैशाख १ गतेदेखि ग्राण्ड ओपनिङ गरी पुर्ण रुपमा सञ्चालन गर्ने तयारी गरिएको आज होटलमा आयोजित पत्रकार सम्मेलनमा होटलका सञ्चालक अनन्त थैवले जानकारी गराउनु भयो ।
बजार अध्ययन गर्दा होटेलहरुमा खाना, रुम र मदिराजन्य पेय पदार्थको मूल्य एकदमै महंगो भएको उपभोक्ताको भोगाई थाहा पाएपछि आफूहरुले उपभोक्तालाई मर्का नपर्ने गरी उचित मूल्य र गुणस्तरीय सेवा दिन सके व्यवसाय सफल हुन्छ भन्ने मान्यता अनुसार अगाडी बढेको सञ्चालक थैवले बताउनु भयो । उहांका अनुसार होेटलको नौलो विशेषता भनेको मदिरा, बियर, वाइनलगायतका पेय पदार्थ करिब करिब एमआरपी मूल्यमा उपलब्ध गराउनु हो ।
‘सबै रुमहरुमा पाँचतारे होटेलको स्ट्याण्डर्ड मेन्टेन गरेका छौं, प्रत्येक रुमका लागि अलग अलग इन्टरनेट राउटर जडान गरेका छौं । होटेलको प्रत्येक रुम बाट बुटवल र तिलोत्तमा देखि भैरहवासम्मको मनोरम दृष्य देख्न सकिन्छ । प्रत्येक रुममा फायर फाइटिङ प्रविधि तथा प्रत्येक फ्लोरमा फायर एक्जिट प्रविधि राखिएकाले सुरक्षाका हिसावले पनि ढुक्क हुने अवस्था छ ।’ सञ्चालक थैवले भन्नुभयो ।
पत्रकार सम्मेलनमा होटलका प्रबन्ध निर्देशक शान्तम थैवले होेटलको मुख्य विशेषता थ्री बी अन्तर्गत बेस्ट बेड, बेस्ट बाथ र बेस्ट ब्रोडब्याण्ड अर्थात इन्टरनेट तथा थ्री एस अन्तर्गत बेस्ट सर्भिस, बेस्ट सेक्युरिटी र बेस्ट सेफ्टी रहेको बताउनु भयो । उहांका अनुसार पाहुनाहरुलाई अन्यत्र भन्दा गुणस्तरीय र फरक अनुभूति सहित पूर्ण सन्तुष्ट बनाउने होटेलको उद्देश्य हो ।
होटलमा सय जना क्षमताको फाइन डाइनिङ बार र ६० जना क्षमताको रुफ टप बार तथा ३५ जना क्षमताको बिजनेस मिटिङ हल र पर्याप्त पार्किङ सुविधा रहेको छ । होटेलको अर्को विशेषता भनेको विवाह पार्टी तथा ठूला गोष्ठी केही नहुने भएकाले ग्राहकहरुले बाह्रै महिना डिस्टर्बमुक्त र शान्त वातावरणको अनुभूति गर्न पाउने छन् । रुममा बाहिरको ध्वनी प्रदुषणलाई रोक्न सबै रुममा साउण्ड प्रुफ प्रविधि राखिएको छ ।
होटलमा भेज र नन भेज खानाका परिकारका लागि अलग अलग कटिङ स्पट र किचन तथा मुस्लिम समुदायलाई लक्षित गरेर हलाल खानाको पनि व्यवस्था गरिएको होटलका जनरल म्यानेजर देविलाल सोमैले बताउनु भयो ।
होटेलमा प्रत्यक्ष रुपमा ५० जनाले रोजगारीको अवसर पाएका छन् । बैशाख महिना ओपनिङ फेज भएकाले सबै खालका (स्वदेशी विदेशी) पाहुनाहरुलाई होटेलले रूमको दर मा २० प्रतिशत छुटको व्यवस्था गरेको छ । होटेलमा आउने ग्राहकहरुलाई सबै सेवामा नौलो पन र फरक विशेषता दिन होटेलको विल्डिङ, रुम र बाथरुमको डिजाइन मुम्बईको भिमानी एण्ड एशोसिएट्सले गरेको छ भने होटेलले आफ्नै ब्राण्डको बेकरी क्याफे समेत सञ्चालनमा ल्याएको छ ।
