नेवा पुच ः बुटवलको अध्यक्षमा श्रेष्ठ सर्वसम्मत

जेष्ठ नागरिक र एसईईमा उत्तिर्ण छात्रछात्रालाई सम्मान

संसार पोष्ट
बुटवल, ११ साउन । नेवा पुच ः नेवा समाज विकास परिषद बुटवलको १९ औ साधारण सभा तथा ७ औ अबिधेशनले काजीमान श्रेष्ठको अध्यक्षतामा नयाँ नेतृत्व सर्वसम्मत चयन गरेको छ ।
शनिबार परिषदको कार्यालय परिषर बुटवलमा भएको अधिवेसनले श्रेष्ठको अध्यक्षतामा नयाँ नेतृत्व चयन गरेको हो । परिषदको वरिष्ठ उपाध्यक्षमा कल्याणी लाकौल, उपाध्यक्षमा रबिन्द कक्षपति, सचिवमा लक्ष्मी श्रेष्ठ, सहसचिवमा विष्णुप्रसाद श्रेष्ठ, कोषाध्यक्षमा चिरन्जिवी श्रेष्ठ तथा सदस्यहरुमा अन्जुलता जोशी, विक्रम राजभण्डारी, हिराकुमारी श्रेष्ठ, डिल्ली कुमार श्रेष्ठ, दिब्य राजभण्डारी, अजय श्रेष्ठ र निर्मला श्रेष्ठ चयन हुनुभएको छ ।
नवनिर्वाति अध्यक्ष श्रेष्ठले भौतिक पूर्वाधारसंगै नेवार भाषा संस्कृतिको संरक्षणको कामलाई अघि बढाउने प्रतिवद्धता जनाउनु भयो । उहांले किरियापुत्रि भवनको सेवा थप्ने, गाईजात्राको दिन सार्वजनिक बिदाको ब्यवस्था गरिनुपर्ने मागलाई प्रदेश सरकारबाट अघि बढाउने बताउनु भयो ।
साधारण सभाको प्रदेश सभा सदस्य कमलराज श्रेष्ठले उदघाटन गर्दै नेवार समुदायले नेवारी संस्कृतिसंगै नेपाली राजनीतिमा धेरै ठुलो योगदान दिएको बताउनुभयो ।
कार्यक्रममा पुचःका सल्लाहकार बिमल बहादुर श्रेष्ठ, जिवन ओझा, आदिबासी जनजाती समन्वय परिषदका जिल्ला अध्यक्ष शंकर गाहा, नेवा सेवा समितिका अध्यक्ष चिरिन्जिवी श्रेष्ठ, पुचःका सचिव रबिन्द्र कक्षपतिले सरकारबाट नीतिगत रुपमा नै सहयोग हुनुपर्ने धारणा राख्नुभयो । सो अवसरमा जेष्ठ नागरिक महालक्ष्मी जोशी, हिरण्यमान थैव, कमला थैव, अमृतलाल श्रेष्ठ र शान्ति श्रेष्ठलाई सम्मान पत्रबाट सम्मान गरिएको थियो ।

यसैगरि यसवर्ष एसईई उत्तिर्ण भएका शेयर सदस्यहरुका छोरा छोरीहरु हेलेन महर्जन, सुमिना श्रेष्ठ, हर्षला श्रेष्ठ र समिक्षा श्रेष्ठलाई सम्मान गरिएको थियो । कार्यक्रममा नेवा पुचको नवनिर्मित सभाहलको बारेमा निर्माण समितिका अध्यक्ष काजीमान श्रेष्ठले जनकारी दिदै सो सभाहल २६ लाख लागतमा निर्माण गरिएको जानकारी गराउनु भयो ।
सो अवसरमा भवन निर्माणमा सहयोग गर्ने आर्थिक सहयोगदाताहरुलाई समेत सम्मान पत्रबाट सम्मान गरिएको थियो । कार्यक्रम पुचःका अध्यक्ष ज्ञानु लिगलको अध्यक्षतामा भएको थियो ।