कपिलवस्तु, १ साउन । कपिलवस्तुको सुदुर पश्चिम विजयनगर गाउँपालिका ७ ठाकुरापुर स्थित नेपाल भारत सिमानामा पर्ने चिराइ नदिले ४ वटा पिल्लर बगाएको छ । विगत केहि दिनदेखि परेको अविरल वर्षाका कारण चिराइ नदिमा बाढि आउँदा सिमाआसपासका ४ बटा पिल्लर पानीले बगाएको प्रहरीले जनाएको छ । नदिले ५ सय ७७ ( ७ देखी ५ सय ७८ र १० ) सम्मका गरी ४ बटा पिल्लर बगाएको हो । कमसल निर्माण सामग्रीको प्रयोग र भारी वर्षाका कारण नदिका पिल्लर पानीले बगाएको विजयनगर गाउँपालिका ७ का वडाअध्यक्ष दिनेश चौधरीले बताउनुभयो ।
नेपाल भारत सिमा निर्धारण टोलीले विगतका बर्षमा कपिलवस्तु र सिद्धार्थनगर जिल्लाका दर्जन बढि जिर्ण पिल्लर निर्माण गरेका थिए । नदिले बगाएका पिल्लर वर्षा कम भएपछि दुवै देशका सिमानिर्धारण टोलीको सहभागितामा पुन निर्माण गरिने कपिलवस्तु प्रशासनले जनाएको छ ।
